Qyzylordada «Samara-Shymkent» tas jolynda kólik qozǵalysyna shekteý qoıyldy

QYZYLORDA. QazAqparat - Qyzylorda oblysynda «Samara-Shymkent» tas jolynyń birqatar bóliginde dızeldi kólikterdiń qozǵalysyna ýaqytsha shekteý qoıyldy, dep habarlaıdy QazAqparat tilshisi.

Oblystyń Aral aýdanymen shektesetin Aqtóbe oblysynyń aýa-raıy kúrt buzylǵan. Onda qatqaq bolýy múmkin.

«Osyǵan baılanysty 8 qańtarda elorda ýaqytymen 23.00-den bastap respýblıkalyq mańyzy bar «Samara-Shymkent» avtomobıl jolynyń 1240-1357 shaqyrym aralyǵyna dızeldi kólikterdiń qozǵalysyna ýaqytsha shekteý qoıyldy. Ol Aqtóbe oblysynyń shekarasynan Aral aýdanynyń ortalyǵyna deıingi aralyqty qamtıdy», - delingen oblystyq tótenshe jaǵdaılar departamenti taratqan habarlamada.

Eske salsaq, budan buryn da Qyzylordada «Samara-Shymkent» tasjolynyń bir bóligi jabyldy.