Qyzylordada polıtseıler turǵyndardy órtten qutqardy
06:45, 24 Sáýir 2022
QYZYLORDA. QazAqparat - Qyzylordada polıtseıler kóp qabatty úı turǵyndaryn órtten qutqardy, dep habarlaıdy QazAqparat tilshisi.
Oqıǵa «Shuǵyla» shaǵyn aýdanyndaǵy №17 úıdiń ekinshi qabatyndaǵy 58 páterde boldy. Órttiń shyqqandyǵy jóninde Qyzylorda qalalyq Polıtsııa basqarmasynyń kezekshi bólimine habar kelip túsken.
Polıtseıler oqıǵa ornyna dereý jetti. Basqarmanyń Jergilikti polıtsııa qyzmeti bóliminiń patrýldik polıtsııa batalonynyń qyzmetkerleri Murat Qazbekov pen Sultan Kúzdikenov turǵyndardy órtten qutqarýǵa shuǵyl kiristi.Turǵyndardy qaýipsiz orynǵa evakýatsııalady.
«Adamdardy apattan qutqaryp qalý – bizdiń qyzmettik te, azamattyq ta paryzymyz. Biz sol sátte erlik jasaıyq, kózge túseıik dep oılaǵan joqpyz. Bar maqsatymyz – adamdarǵa kómektesý», – dedi Sultan Serikboluly.
Eske salsaq, budan buryn Qyzylordada bireýdiń aýlasynan 5 mln teńgeniń qurylys zattaryn urlaǵan adam ustaldy.