Qyzylordada patrýl polıtsııasynyń kóligi aǵashqa soǵyldy

QYZYLORDA. QazAqparat - Qyzylordada patrýldik polıtsııa kóligi jol-kólik oqıǵasy saldarynan talǵa soǵyldy, dep habarlaıdy QazAqparat tilshisi.

Oqıǵa 5 jeltoqsan kúni saǵat 00.30 shamasynda Qyzylorda qalasyndaǵy Jeńis jáne Panfılov kósheleriniń qıylysynda bolǵan.

Apat kezinde «Audi» avtokóliginiń jol erejesin buzǵany anyqtaldy.

Atalǵan mashnına qyzmettik «Toyota Corolla» avtokóliginiń oń jaq esiginen soqqan. Saldarynan patrýl kóligi talǵa soǵylǵan.

«Qazirgi tańda «Audi» avtokóliginiń júrgizýshisine qatysty QR Ákimshilik quqyq buzý týraly kodeksiniń 610-babynyń 1-bóligimen hattama rásimdeldi. Avtokólik aıypturaqqa qoıyldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda turǵyny esirtki jasyryp jatqan jerinen polıtsııaǵa ustaldy.