Qyzylordada parkke ketken eki jasóspirim qyz tabylmaı jatyr

QYZYLORDA. QazAqparat - Qyzylorda qalasynda bir kúnnen beri habarsyz ketken 14 jáne 16 jastaǵy jasóspirim qyzdarǵa izdeý jarııalandy, dep habarlaıdy QazAqparat tilshisi.

Oblys ortalyǵynda turatyn Raýshan Meńlibaı men Nargız Jubandyq 1 maýsymda qalalyq demalys ornyna qydyryp ketken. Sodan úılerine qaıta oralmaǵan.

«Osyǵan baılanysty Qyzylorda qalalyq polıtsııa basqarmasy izdeý salady. Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8 (7242) 29 75 20 teelfonyna nemese 102 arnasyna qońyraý soǵýlaryńyzdy suraımyz», - dep jazylǵan polıtsııa basqarmasy taratqan habarlamada.

Eske salsaq, budan buryn Qyzylordada japan túzde joǵalǵan qoıshy jigit eki kúnnen keıin tabylǵan bolatyn.