Qyzylordada para aldy degen kúdikpen polıtsııa qyzmetkeri ustaldy

QYZYLORDA. QazAqparat - Qyzylordada para alý kúdigimen Qyzylorda qalalyq polıtsııa basqarmasynyń qyzmetkeri ustaldy, dep habarlaıdy QazAqparat tilshisi.

Osyǵan baılanysty oblystyq polıtsııa departamenti túsinik berdi.

Vedomstvo málimetinshe, Qyzylorda oblysynyń polıtsııa departamenti​ óz qyzmetkerleri qatarynda sybaılas jemqorlyqty joıý boıynsha qatań sharalar qabyldap jatyr.

Osy baǵytta departament basshylyǵymen jeke quram arasynda tótenshe jaǵdaılarǵa jol bermeý maqsatynda turaqty negizde tekserý júrgizilýde.

«Departamentttiń ózindik qaýipsizdik​ basqarmasy arnaıy shara​ aıasynda 23 qarasha kúni zańsyz áreketi úshin Qyzylorda qalalyq polıtsııa basqarmasynyń qyzmetkerin ​ustady. Atalǵan derek boıynsha QR Qylmystyq kodeksiniń ​ 366-babymen sotqa deıingi tergeý júrip jatyr. ​Ózge aqparat tergeý qupııalyǵyna baılanysty jarııa etilmeıdi», - dep málim etti Qyzylorda oblystyq polıtsııa departamentiniń baspsóz qyzmetinen.

Qazirgi tańda qyzmettik tergeý bastalǵan. Mundaı zańbuzýshylyqqa qasaqana barǵandar qatań jazaǵa tartylady.​

«Osy qyzmetke taǵaıyndalǵan kúnnen bastap departament jáne ózge de quzyrly organdarmen birlesip atalǵan baǵytta tıisti is-sharalardy qolǵa aldyq. Bul maqsatta aldaǵy ýaqytta da kúres júrgiziledi. Polıtseı bedeline nuqsan keltiretin qyzmetkerlerge qatarymyzda oryn joq. Jeke quram arasynda sybaılas jemqorlyqqa qarsy aldyn alý sharalary jalǵasady» - dedi Qyzylorda oblysy polıtsııa departamentiniń bastyǵy Bektóre Sultan. ​

Eske salsaq, budan buryn Qyzylordada qasaqana kólik órtengender qolǵa túskenin habarlaǵan edik.