Qyzylordada panasyz qarttar arasynda «Uly Jeńis - urpaqqa amanat» atty kesh uıymdastyryldy

QYZYLORDA. 8 mamyr. QazAqparat /Jańagúl Serdaly/ - Qyzylordadaǵy Qarttar men múgedekterge arnalǵan jalpy úlgidegi ınternatta Uly Jeńistiń 67 jyldyǵy men Otan qorǵaýshylar kúnine baılanysty «Uly Jeńis - urpaqqa amanat» atty kesh bolyp ótti.

Sharany «Nur Otan» HDP qalalyq fılıaly «Bolashaq búginnen bastalady» atty respýblıkalyq aktsııa aıasynda uıymdastyrdy. Kezdesýde el táýelsizdiginiń úshinshi onjyldyǵyna qadam basqan qazirgi shaqta elimizdiń bolashaǵy úshin atqarylyp jatqan jumystardyń jaıy sóz boldy. Aktsııanyń maqsaty - jastardy ultjandylyq sezimge, meıirimdilik pen izgilikke tárbıeleý, olardyń boıynda adamgershilik sanasyn qalyptastyrý, qart kisilerdi qurmettep, meıirim-shapaǵatyn kórsetý sekildi qasıetterge baýlý boldy.