Qyzylordada ózge ult ókilderi qazaqsha jyr oqyp, án shyrqady
Basqosý barysynda №169 orta mektep dırektorynyń tárbıe isi jónindegi orynbasary O.Shın, pán muǵalimi S.Izatova elimizdegi turaqtylyq pen beıbitshilikti aǵynan jaryla áńgimege arqaý etti. Shara qonaqtary kezinde kórshi memleketterge kóshýge usynys aıtylǵanda sanaly túrde bas tartqandyqtaryna búginde esh ókinbeıtindikterin jetkizdi. Bul týraly aýdandyq ákimdiktiń baspasóz qyzmeti habarlady.
Kezdesýde Álshekeı atyndaǵy óner mektebiniń «Kórkemsóz oqý» úıirmesiniń shákirti Anastasııa Bolıasnıkova M.Maqataevtyń óleńderinen tebirene jyr-shýmaqtaryn oryndady. Al armıan ultynyń ókili Laýra Andrıasıan «Anashym» ánin naqyshyna keltire áýeletip, odan ári óziniń dóńgelek ústel taqyryby aıasynda oıyn ortaǵa saldy. Óz kezeginde bólim basshysy Á.Tólegenov Elbasynyń «Nurly jol-bolashaqqa bastar jol» atty Joldaýyndaǵy basym baǵyttaryn aıta kele, kelesi jyly elimizde Qazaqstan halqy Assambleıasynyń 20 jyldyǵyn keń kólemde atalyp ótiletindigi jóninde sóz etti. Jıyndy qorytyndylaǵan moderator Oblys ákimi apparatynyń qoǵamdyq kelisim ortalyǵynyń aýdan boıynsha ultaralyq qatynastar jónindegi eksperti B.Ótebaev aırandaı uıyp otyrǵan ultaralyq tatýlyq men dostyqty nasıhattaý bizdiń basty maqsatymyz dep túıindedi. Sońynda uıymdastyrýshy tarap qonaqtarǵaTáýelsizdik merekesiniń lebizi jazylǵan «Alǵys hattar» tabystady.