Qyzylordada órtengen úıden eki adamnyń máıiti tabyldy
20:24, 21 Qarasha 2021
QYZYLORDA. QazAqparat - Qyzylordada jeke turǵyn úı órtenip, oqıǵa ornynan eki adamnyń máıiti tabyldy, dep habarlaıdy QazAqparat tilshisi.
Qyzylordada búgin, 21 qarashada saǵat 17.43-te jeke turǵyn úı órtendi. Onda turǵyn úıdiń edeni otqa oranǵan.
«Oqıǵa ornynan eki adamnyń máıiti tabyldy. Onyń bireýi 1966 jylǵy úı qojaıyny bolsa, ekinshi adam oǵan qonaqqa kelgen 1990 jylǵy adam. Oqıǵa ornyna tótenshe jaǵdaılar departamenti órt sóndirý qyzmetiniń mamandarynyń shaqyrylǵan joq. Aldyna ala jasalǵan boljam boıynsha negizgi sebep - otty abaısyzda qoldaný (temeki shegý)», - deıdi oblystyq tótenshe jaǵdaılar departamenti baspasóz qyzmetiniń bas mamany Aıgúl Nurmanova.
Vedomstvo málimetinshe, oqıǵa ornyna departamentten 3 qyzmetker tehnıkamen bardy.