Qyzylordada órtengen ushaq jaıynda jańa málimetter belgili boldy

QYZYLORDA. QazAqparat - Qyzylorda oblysy Aral aýdanynda búgin órtengen AN-2 ushaǵy jaıynda jańa málimetter paıda boldy, dep habarlaıdy QazAqparat tilshisi.

Bul jóninde habarlama oblystyq tótenshe jaǵdaılar departamentine saǵat 12.10-de túsken. Órt sóndirýshiler oqıǵa ornyna 12.18-de jetti.

Oqıǵa Aral qalasyna jaqyn jerde ornalasqan Altynqudyq degen jerde bolǵan.

Ol aýdan ortalyǵynan shamamen 10 shaqyrym qashyqtyqta ornalasqan.

«Qonýǵa bet alǵan ushaqtyń tolyq janyp ketkeni belgili boldy. Órttiń ázirge neden shyqqany belgisiz. Bul maqsatta oqıǵa ornynda arnaıy saraptama taǵaıyndalady», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Vedomstvo málimetinshe, atalǵan ushaq TJA5217 sanıtarlyq baǵyty boıynsha jumys jasaǵan.

Ekıpaj «Sanavıatsııa» qyzmetiniń tapsyrmasy boıynsha shyqqan.

Ushaqta 1970 jylǵy ekıpaj komandıri, 1992 jylǵy ekinshi pılot jáne 1974 jylǵy dáriger bolǵan. Adamdar aman.