Qyzylordada órt shyqqan páterde qalyp qoıǵan 3 adam qutqaryldy

QYZYLORDA. QazAqparat - Qyzylorda qalasynda kópqabatty úıde bolǵan órtten 3 adam qutqarylyp, 15-i evakýatsııalandy, dep habarlaıdy QazAqparat tilshisi.

Oqıǵa 20 aqpanda saǵat 3.00 shamasynda «Shuǵyla» móltek aýdany №43 úıde boldy. Tótenshe jaǵdaılar departamentine páterdiń birinen qoıý tútin shyǵyp jatqany jóninde habarlama tústi.

Shaqyrtý boıynsha №2 mamandandyrylǵan jáne №6 órt sóndirý bólimderinen 12 qyzmetker men 4 tehnıka, shtabtyń avtokóligimen 5 qyzmetker jumyldyryldy. Barlaý nátıjesinde 5-qabattaǵy páterdiń biriniń qonaq bólmesindegi barlyq turmystyq zattar, as bólmesiniń esigi men terezesi, kireberis bólme esigi janyp jatqany anyqtaldy.

«Páter ishinde qalyp qoıǵan 3 adam gazdan qorǵaý quralymen qaýipsiz jerge shyǵaryldy. Kórshiles páterlerdiń birinen 27 lıtrlik gaz ballony syrtqa shyǵaryldy. Páterlerden órt sóndirýshiler 15 adamdy (onyń ishinde 6 bala) evakýatsııalady. Turǵyn úı tabıǵı gazǵa qosylmaǵan», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.