Qyzylordada órt birneshe turǵyn úıge zalal keltirdi

QYZYLORDA. QazAqparat - Qyzylorda qalasynda órt birneshe jeke turǵyn úı, qosalqy ǵımarattarǵa jáne júk kóligine zalal keltirdi, dep habarlaıdy QazAqparat tilshisi.

Órt oblys ortalyǵyndaǵy S. Bedebekov kóshesinde ornalasqan №22 turǵyn úıdiń aýlasynan bastalady. Uzyndyǵy 20 metrlik aǵash qorshaý men monsha shatyry órtengen.

«Jalyn odan keıin Ý. Tórálıev kóshesindegi №23 turǵyn úı aýlasyndaǵy aýdany 200 sharshy metr bolatyn qýraǵan shópterdi sharpıdy. Saldarynan sol aýmaqta turǵan «Mersedes-benz 1217» markaly júk kóliginiń kabınasyna ot tıedi. Sol kóshe boıyndaǵy №21, №25 jeke turǵyn úılerdiń syrtqy penopleks qaptamasyn, sýaǵaryn, plastık terezesin zaqymdaǵan. Qaza bolǵandar men jaraqattanǵandar joq. Órttiń shyǵý sebebi anyqtalyp jatyr», - dep málim etti Qyzylorda oblystyq tótenshe jaǵdaılar departamentinen.

Eske salsaq, budan buryn Qyzylordada aryqqa qulaǵan 3 jasar búldirshin kóz jumdy.