Qyzylordada oqýshyny mektepke daıyndaýǵa qansha qarajat ketedi

QYZYLORDA. QazAqparat – Alda jańa oqý jyly jaqyndap keledi. Jurtshylyq mektep jsyndaǵy balalaryn mektepke daıyndaýǵa kóńil bólip otyr. Qyzylorda qalasynda oqýshyny mektepke daıyndaýǵa qansha teńge ketedi? QazAqparat tilshisi sholý jasap kórdi.

Jergilikti turǵyndar oqýshylarǵa kıim, oqý quraldaryn arnaıy saýda úıleri men bazardan satyp alady.

Qyzylordalyqtar ul balaǵa kostıým-shalbardy 15-20 myń, jeıdeni 3 myń, galstýkty 500, kúrtesheni – 15-20 myń, týflıdi – 6-15 myń teńgege alsa, fýtbolkaǵa – 2-3 myń, sporttyq kıimge – 8-12 myń, sporttyq aıaq kıimge 6-10 myń teńge jumsaıdy.

Jıyntyq soma – 55,5 - 80 myń teńge;

Al qyz balaǵa pıdjak pen beldemshe (komplekt) 12-15 myń, kóılek – 3-4 myń, sarafan – 7-8 myń, týflı – 7-8 myń, bantık – 500-800, fýtbolka – 2,5 myń, sporttyq kıim – 8-12 myń, sporttyq aıaq kıim – 6 myń, aq kolgotkı 1,5-2 myń teńge turady. Jıyntyq soma – 47,5- 58,3 myń teńge;

Qyzylordada keńse taýarlarynyń baǵasy tómendigishe: sómke 3-10 myń teńge tursa, qalamsap – 30-60, qaryndash – 40-50, óshirgish – 40-50, jumsaq penal – 500, ushtaǵysh – 60-70, syzǵysh – 70-120, tor kózdi dápter – 20-30, qısyq jol dápter – 20-30, kitapqa arnalǵan qaptaǵysh – 150, muqabasy qatty kúndelik – 400-800, dápterge arnalǵan qaptaǵysh – 85-100, akvarel boıaýlar – (12 tús) – 450-550, qylqalam jıyntyǵy – 450-850.

Túrli tústi qaryndash (12 tús) – 450-795, sýret salýǵa arnalǵan albom (20 bet) – 300-400, flomaster (12 tús) – 700-800, qaıshy – 250-350, jelim – 250, túrli-tústi qaǵaz (8 tús) – 200-400, ermeksaz (8 tús) – 600-750 teńge.

Eske salsaq, budan buryn óskemendik ata-ana balasyn mektepke daıyndaý úshin qansha teńge jumsaıtyny jaıynda jazǵan edik.