Qyzylordada oqýshylarǵa tarıhı muralar nasıhattaldy

QYZYLORDA. QazAqparat - Qyzylordada Á.Tájibaev atyndaǵy oblystyq ámbebap ǵylymı kitaphanasynda «Týǵan jer – tunǵan shejire» atty erýdıt-shoý ótkizildi, dep habarlaıdy QazAqparat tilshisi.

Atalmysh ıgi shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalary aıasynda júzege asyryldy.

«Syr boıynda ótkenniń saıraǵan izindeı, kóneniń kózindeı bolǵan, tarıhı-mádenı oryndar jaıynda aıtylmaǵan syr, jazylmaǵan shejire qanshama. Syr óńiriniń tarıhı muralaryn nasıhattaý, kóne qundylyqtar arqyly adamgershilik, patrıottyq tárbıe berý, tarıhty bilý paryz ekendigin nasıhattaýǵa aldymyzǵa maqsat ettik. Bul sharaǵa №2 «Murager» mektebiniń joǵary synyp oqýshylary qatysty. Oqýshylar Syr óńiriniń ejelgi jádigerleri men elge qorǵan, pana bolǵan uly tulǵalaryna arnalǵan tanymdyq suraqtarǵa jaýap berdi», - dep málim etti kitaphana mamndary.

Sondaı-aq, oqýshylar týǵan jerge arnalǵan maqal-mátelderdiń jalǵasyn taýyp, logıkalyq sózjumbaqtar sheshti. «Týǵan jer – tunǵan shejire» atty kitap kórmesimen tanysty.

Buǵan deıin Qyzylordada jastarǵa Qorqyt ata murasy nasıhattalǵan edi.