Qyzylordada oqýshylar tóbelesip, bireýi pyshaq jaraqatyn aldy

QYZYLORDA. QazAqparat - Qyzylorda qalasynda mektepterdiń birinde oqýshylar tóbelesip, olardyń bireýi pyshaq jaraqatyn aldy, dep habarlaıdy QazAqparat tilshisi.

Oqıǵa 4 sáýirde oblys ortalyǵyndaǵy mektepterdiń birinde bolǵan.

«Pyshaq jaraqatyn alǵan oqýshy aýrýhanaǵa jetkizilip, oǵan dárigerlik kómek kórsetilgennen keıin, ol úıine qaıtaryldy. Atalǵan derek Sotqa deıingi tergep-tekserýlerdi biryńǵaı tizilimine QR Qylmystyq kodeksiniń 293-baby boıynsha tirkeldi. Tıisti saraptamalar taǵaıyndaldy. Tergeý áreketteri júrgizilýde. Kúdikti jasóspirim Qyzylorda qalalyq polıtsııa basqarmasyna jetkizilip, ata-anasynyń qaraýyna tapsyryldy», - dedi Qyzylorda oblystyq polıtsııa departamentinen.

Eske salsaq, budan buryn Qyzylordada mektepterde jalǵan málimetter engizip, qarajatty qoldy etken mamandar anyqtaldy.