Qyzylordada oqýshy jel generatoryn jasap shyǵardy

QYZYLORDA. QazAqparat - Qyzylordalyq oqýshy Álıhan Shákiman 3D modeldeý arqyly jel generatorynyń biregeı túrin jasap shyǵardy, dep habarlaıdy QazAqparat tilshisi.

Álıhan Shákiman Nazarbaev Zııatkerlik mektebiniń 12 synybynda oqıdy.

Onyń aıtýynsha, qurylǵy konýs tárizdi beınede jasalǵan. Sol arqyly jel energııasyn tıimdi paıdalanýǵa jáne atmosferaǵa bólinetin zııandy zattardy azaıtýǵa ábden bolady.

Syr óńiriniń klımattyq jaǵdaıy atalmysh jobany júzege asyrýǵa ábden qolaıly. Bul aımaqta jel jıi soǵatyny belgili. Atalmysh generator jel energııasyn tıimdi paıdalanýǵa jol ashady. Sondaı-aq, atmosferaǵa bólinetin zııandy zattardy azaıtýǵa múmkindik beredi.

«Atalmysh joba boıynsha eki jyl boıy izdenis jasadym. Alǵashqyda jobanyń birneshe nusqasy bolǵan edi. Olardyń arasynan konýs tárizdi nusqasyna toqtaldyq. Onyń sebebi de bar. Osyndaı pishin arqyly generatormen jel aǵynynyń kúshin eseleı alamyz», - dedi Álıhan Shákiman.

Generator arqyly jel aǵynynyń kúshin eseleýge bolady. Aýa aǵynynyń baǵyty qandaı? Sony retteý arqyly ony óńdeýge múmkindik bar. Sol arqyly elektr energııasyn óndirýge jol ashylady.

Atalmysh qurylǵynyń dıametri 1,5, bıiktigi 3 metrdi quraıdy. Ony temirplastık materıalynan jasaýǵa bolady.