Qyzylordada «Nurly jer» arqyly páterlerge ótinim qabyldaý bastalady
Atalǵan kompanııa málimetinshe, ekonom sanatyndaǵy 5 qabatty turǵyn úı Qyzylorda qalasynyń Jappasbaı batyr kóshesindegi 76 meken jaıda ornalasqan. Páterlerdi satyp alýǵa ótinimder 27 qazannan bastap, 10 qarashaǵa deıingi aralyqta «Samuryq-Qazyna» jyljymaıtyn múlik qory» AQ-nyń www.fnsk.kz veb-saıty arqyly qabyldanady.
«Ótinimder qabyldaý bastalatyn merzimde barlyq tirkelgen tutynýshylar páterdi satyp alý quqyǵymen jalǵa alý arqyly satyp alýǵa ótinimderdi bir mezgilde jiberý múmkindigine ıe bolady. Kezekk elektrondyq ótinimniń qabyldanǵan ýaqyty boıynsha avtomatty túrde qalyptasady. Bul rette ótinim páterdiń belgili bir úlgisine beriledi. Ótinim berilgennen keıin páterdiń tańdalǵan úlgisin ózgertýge múmkindik bolmaıdy. Qyzylorda qalasyndaǵy turǵyn úı páterleriniń jaıǵasymymen jáne úıdiń ornalasqan jerimen www.fnsk.kz saıtynda nemese 8 (7172) 91-90-70, Call Center 8-800-8000-111 telefondary arqyly jan-jaqty tanysýǵa bolady», - delingen kompanııa aqparatynda.
Taratylǵan aqparatqa qaraǵanda, 2 bólmeli 60,74 sharshy metrlik páterdi 15 jylǵa jalǵa alatyn bolsańyz aıyna 92 myń teńge tólep turasyz. Al 80,32 sharshy metrlik páterdiń jaldaý quny 121 myń teńgeden sál asady. Bul rette satyp alý quqyǵymen jalǵa berý sharty qysqa merzimge, ıaǵnı (5, 7 nemese 10 jylǵa jasalǵan jaǵdaıda, jaldaý tólemi kóbeıtiletinin eskergen jón.
Aıta keterligi, turǵyn úıdi satyp alý quqyǵymen jalǵa alýshynyń sońǵy 36 aı ishinde Qyzylorda qalasynda jyljymaıtyn múlikpen jasalǵan, nemese turǵyn úı jaǵdaıyn jaqsartý boıynsha mámilelerdiń bolmaýy, ıaǵnı osy qalada otbasynyń árbir múshesine 18 sharshy metrden kem bólingen turǵyn úı-jaıdyń bolýy, aı saıynǵy jaldaý tólemderin tóleýge múmkindik beretin tólem qabilettiliginiń jetkilikti deńgeıi bolýy shart. Munan bólek, ótinim berýshi baǵdarlama aıasynda «Samuryq-Qazyna» jyljymaıtyn múlik qory» AQ, «Qazaqstan ıpotekalyq kompanııasy» AQ jáne «QR turǵyn úı qurylysy jınaq banki» AQ sharttary boıynsha «Nurly jer» turǵyn úı qurylysy baǵdarlamasyna qatyspaǵan bolýy kerek.
«Páterlerdi satyp alýǵa múddeli tulǵalarǵa www.fnsk.kz veb-saıtynda tirkelý qajet ekendigin eskertemiz. Atalǵan rásimdi ótinimder qabyldaý bastalǵanǵa deıin ótkizý kerek. Saıtta tirkelý úshin elektrondyq tsıfrlyq qoltańba (ETsQ) bar bolýy mindetti. Tirkeý jónindegi nusqaýlyqpen www.fnsk.kz saıtynda tanysýǵa bolady», - dedi kompanııadan.