Qyzylordada «Nur Otan» partııasynyń HІH sezine 30 delegat saılandy
Elordaǵa baratyn delegattar tizimi «Nur Otan» partııasy Qyzylorda oblystyq fılıalynyń kezekten tys XHIV konferentsııasynda belgili boldy.
Atalmysh sharada partııanyń Qyzylorda oblystyq fılıalynyń tóraǵasy, oblys ákimi Qyrybek Kósherbaevtyń tóraǵalyq jasady. Jıynnyń kún tártibinde QR Prezıdentiniń kezekten tys saılaýyn 2019 jyldyń 9 maýsym kúni ótkizý týraly sheshim qoldaý týraly, Partııa Tóraǵasy Nursultan Nazarbaevtyń partııanyń kezekti XVIII sezinde bergen tapsyrmalaryna sáıkes qabyldanǵan «Halyqqa kómek», «Baqytty otbasy», «Aýyl - el besigi», «Qutty meken» halyqtyq jobalarynyń óńirde júzege asyrylýy barysy tarazylandy. Sondaı-aq, partııasynyń kezekten tys HІH Sezine delegattar saılaý máselesi qaraldy.
Kún tátibindegi alǵashqy másele boıynsha «Nur Otan» partııasy saıası keńesiniń múshesi, oblystyq ardagerler keńesiniń tóraǵasy Serik Dúısenbaev, oblystyq áıelder keńesi men Qazaqstan halqy assambleıasy janyndaǵy Analar keńesiniń tóraıymy Nursáýle Musaeva óz oıyn ortaǵa saldy.
«Eldegi barlyq sońǵy ózgeristerge, saıası-qoǵamdyq sıpattaǵy jańalyqtarǵa jiti kóz tigip otyramyz. Qazaqstan Prezıdenti Qasym-Jomart Toqaev elimizge jáne árqaısymyzǵa qatysty asa mańyzdy Úndeý jarııalady. Onda elimizde kezekten tys Prezıdent saılaýyn ótkizý jóninde sheshim qabyldandy. Bul oraıly sheshimdi Syr óńiriniń qazynaly qarttar rızashylyqpen qabyldady», - dedi Serik Dúısenbaev. Al Nursáýle Musaeva Tuńǵysh Prezıdent - Elbasy bastaǵan bastamalardyń baıandy bolýy árdaıym nazarda ustalatynyn tilge tıek etti. Osy oraıda elimizdiń Konstıtýtsııasyna sáıkes QR Prezıdentiniń kezekten tys saılaýyn ótkizý týraly sheshimniń qabyldanýy ýaqyt talaby bolyp otyr.
Al «Nur Otan» partııasy saılaýaldy baǵdarlamasynyń «Agrarlyq sektor» baǵytyndaǵy aımaqtyq komıssııasynyń jetekshisi, oblystyq máslıhat depýtaty, «Jan-Araı» JShS dırektory Baqdálet Mahashev aýyldy áleýmettik-ekonomıkalyq damytýǵa, aýyl turǵyndarynyń ómir sapasyn jaqsartýǵa, kásipkerlik qyzmetin jańǵyrtýǵa baǵyttalǵan «Aýyl - el besigi» jobasy baǵytynda atqarylǵan jumystarǵa toqtaldy. Sondaı-aq, mono qalalardyń ınjenerlik jáne áleýmettik ınfraqurylymyn damytý baǵytyndaǵy jumystar nátıjeli júzege asyrylyp keledi.
«Qazir partııamyz «Aýyl - el besigi» jobasy aıasynda tikeleı júzege asyratyn 3 baǵytty anyqtap aldy. Birinshi - áleýmettik ınfraqurylymdy damytý. Bul baǵytta bıznes ókilderimen birlesip, elimiz boıynsha úsh jyldyń ishinde 1 000 mektepte sport alańyn salýdy jáne aýyl kitaphanalarynyń bazasynda 1 000 kovorkıng ortalyq ashý josparlanǵan. Búginde Qyzylorda oblysy boıynsha - ashylýy josparlanǵan 9 kovorkıng ortalyqtyń 8-i el ıgiligine aınaldy»,- dedi Baqdaýlet Mahashev.
Sondaı-aq, ol bıyl oblys boıynsha 41 mektepte sport alańy men 20 aýlalyq sport alańyna jańǵyrtý júrgiziletindigin jetkizdi.
«Ekinshi baǵyt - aýyldy kadrmen qamtamasyz etý boıynsha «Dıplommen aýylǵa» jobasynyń aıasynda mamandardy tartý qarastyrylyp jatyr. Úshinshiden, aýylda jastar kásipkerligin damytýǵa nazar aýdarylyp, bıyl elimiz boıynsha 2000 jas maman 500 sharýa qojalyǵyna taǵylymdamadan ótý úshin jiberiledi. Osy baǵytta bizdiń óńir 83 jas mamandy 22 sharýa qojalyǵyna taǵylymdamaǵa jiberýge jaǵdaı jasap otyr», - dedi B. Mahashev
Qyzylorda oblystyq fılıalynyń kezekten tys XHIV konferentsııasynda qyzylordalyqtar ashyq daýyspen kún tártibine sáıkes, «Nur Otan» partııasynyń kezekten tys HІH sezine 30 delegatty saılady.
Keshe Qyzylordada «Nur Otan» ókilderi Elbasy jobalarynyń iske asyrylý barysyn talqylady.