Qyzylordada «Nur Otan» ókilderi Elbasy jobalarynyń iske asyrylý barysyn talqylady
Sharaǵa «Nur Otan» partııasy Qyzylorda qalalyq fılıalynyń tóraǵasy, qala ákimi Nurlybek Nálibaev tóraǵalyq etti. Konferentsııaǵa «Nur Otan» partııasy oblystyq fılıaly tóraǵasynyń orynbasary Erjan Baıtiles arnaıy qatysty.
Konferentsııanyń kún tártibinde eki másele qaraldy. Onyń alǵashqysy boıynsha «Nur Otan» partııasynyń kezekti HVIII sezinde partııa Tóraǵasynyń tikeleı tapsyrmasymen qabyldanǵan «Halyqqa kómek», «Qutty meken», «Baqytty otbasy», «Aýyl - el besigi» jobalarynyń nátıjeli júzege asyrylýy máseleleri talqylandy.
Máselen, «Halyqqa kómek» partııalyq jobasy boıynsha atqarylyp jatqan jumystardy qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń basshysy Gúlmıra Rahmetova baıandady. Al «Aýyl - el besigi» jobasy aıasyndaǵy jumystardy «Aqjarma» aýyldyq okrýginiń ákimi, «Aqjarma» bastaýysh partııa uıymynyń tóraǵasy Jumabek Álıev aıtyp berdi.
Eńbek jáne partııa ardageri, «Járdem» bastaýysh partııa uıymynyń tóraǵasy Saǵyndyq Shámshıev partııa Tóraǵasy, Tuńǵysh Prezıdent - Elbasy Nursultan Nazarbaevtyń halyqtyń áleýetin arttyrýǵa jasap otyrǵan eren eńbegin, sondaı-aq bul jobalardyń túp nátıjesi baqytty otbasynda, baqytty elde baqýatty ómir súrýge baǵyttalyp otyrǵanyn tilge tıek etti.
Kún tártibindegi ekinshi másele boıynsha «Nur Otan» partııasy Qyzylorda oblystyq fılıalynyń kezekten tys HHІV konferentsııasyna delegattar saılandy.