Qyzylordada Mustafa Shoqaıǵa arnalyp as berildi

QYZYLORDA. QazAqparat - Búgin Qyzylorda qalasynda «Alash murasy jáne táýelsiz Qazaqstan» atty halyqaralyq ǵylymı-teorııalyq konferentsııa bastaldy. Oǵan elimizdiń ár túkpirinen kelgen ǵalymdar men qoǵam qaıratkerleri qatysýda, dep habarlady QazAqparat HAA tilshisi.

Halyqaralyq sharaǵa jınalǵandar qonaqtar men jergilikti zııaly qaýym ókilderi áýeli qaladaǵy «Ulytaý» meıramhanasynda Alashtyń ardager uly, túbi bir túrkiniń birligin kózdep ótken Mustafa Shoqaıǵa arnap berilgen asqa qatysty. Ulty úshin uly is tyndyrǵan qaıratker rýhyna oqylǵan Quranǵa qol jaıdy.

Oblys ákiminiń orynbasary Rýslan Rústemov izgi bastama aıasynda jınalǵan aǵaıynǵa lebizin bildirdi. Akademık Dosmuhamet Kishibekov, qoǵam qaıratkeri  Ábdijálel Bákir, «Mustafa Shoqaı» qorynyń prezıdenti Bazarbaı Atabaev Túrkistan respýblıkasynyń týyn kótergen tulǵa jaıly tálimdi sóz aıtty.