Qyzylordada monıtorıng músheleri birneshe toıdy toqtatty

QYZYLORDA. QazAqparat - Qyzylorda oblysynda monıtorıng top ókilderi bir kúnniń ishinde birneshe toıǵa jınalǵandardy taratty, dep habarlaıdy QazAqparat tilshisi.

Ótken demalys kúnderi​ karantın talaptaryn buzýdyń 31 deregi anyqtaldy.​ Máselen, sol kúnderi Jalaǵash aýdanynyń ózinde qyz uzatý, úılený toıy, besik toı, qudalyq ​ótkizilip jatqany anyqtaldy.

Mobıldik top músheleri osyndaı oryndarǵa baryp, jurtshylyqqa túsindý jumysyn júrgizdi. Toı ıelerinen túsinikteme alynyp, jınaqtalǵan materıaldar zańdy sheshim qabyldaý úshin quzyrly organdarǵa joldandy.​

«Óńirde koronavırýs indetine qarsy karantın sharalarynyń saqtalýyn qadaǵalaý úshin 167 monıtorıng toby jumys istep jatyr. Nátıjesinde 305 nysanda karantın talabyn buzǵany anyqtaldy. Sanıtarııalyq-epıdemıologııalyq talaptardyń buzylýy boıynsha 533 quqyq buzýshyǵa QR Ákimshilik quqyq buzýshylyq týraly kodeksiniń 425-babynyń 1-bóligimen jalpy somasy 37 mln teńge kóleminde ákimshilik aıyppul salyndy», - dep málim etti oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Eske salsaq, budan buryn Qyzylordada Ashyq jobasyna qosylǵan mekemeler 362 ret zań buzǵan.