Qyzylordada mert bolǵan sarbazdyń ólimine qatysy bolýy múmkin adam ustaldy

QYZYLORDA. QazAqparat - Qyzylordalyq polıtseıler jappaı tártipsizdik kezinde mert bolǵan sarbazdyń ólimine qatysy bar azamatty ustady, dep habarlaıy QazAqparat tilshisi.

Qyzylorda qalasynda 5 qańtarda bolǵan búlik kezinde № 5547 áskerı bóliminiń sarbazy aýyr jaraqat alyp, oqıǵa ornynda mert boldy. Sondaı-aq, polıtsııa qyzmetkerleri jaralandy.

«Atalǵan derek boıynsha QR Qylmystyq kodeksiniń 99-baby 2-bóliginiń 15) tarmaǵymen jáne 380-1-baby 2-bóliginiń 5) tarmaǵymen sotqa deıingi tergep-tekserý bastaldy. Polıtsııa qyzmetkerleri júrgizgen arnaıy is-shara nátıjesinde jas sarbazdyń ólimine qatysy bar degen kúdikpen Qyzylorda qalasynyń 31 jastaǵy turǵyny ýaqytsha ustaý ızolıatoryna qamaýǵa alyndy. Búgingi kúni is boıynsha tergeý jalǵasýda. Ózge málimetter tergeý qupııasyn saqtaý maqsatynda jarııalanýǵa jatpaıdy», - dep málim etti oblystyq Polıtsııa departamentinen.