Qyzylordada mektepterde jalǵan málimetter engizip, qarajatty qoldy etken mamandar anyqtaldy

QYZYLORDA. QazAqparat - Qyzylorda oblysy Jańaqorǵan aýdanyndaǵy birqatar mektepte eńbekaqy tóleý kezinde laýazymdy mamandar resmı qujattarǵa jalǵan málimetter engizip, qarajattardy bógde adamdarǵa aýdaryp kelgen, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttigi Qyzylorda oblysy boıynsha departamentinde atalǵan derekter boıynsha kópepızodty qylmystyq is tergelýde.

«Keltirilgen zalal somasy shamamen 543 mln teńgeni quraıdy. Onyń ishinde 91,5 mln teńge óndirildi. Odan bólek preventsııa sharalary nátıjesinde jekelegen mektepterdiń jaýapty mamandary arqyly negizsiz shyǵystalǵan 35 mln teńge qarjy aýdıt bastalý satysynda memlekettik bıýdjetke tolyq kólemde keri qaıtaryldy. Aldaǵy ýaqytta bul jumys ýákiletti organdarmen birge jalǵasady», - dedi QR Sybaılas jemqorlyqqa qarsy is-qımyl agenttigi Qyzylorda oblysy boıynsha departament basshysynyń birinshi orynbasary Asylhan Ashıkov.

Vedomstvo málimetinshe, jemqorlyqqa yqpal etetin sebepter men jaǵdaılardy boldyrmaý maqsatynda oblystyq bilim basqarmasy jáne oǵan qarasty mekemelerde eńbekaqy tóleý jáne qoryn ıgerý qyzmetine syrtqy taldaý júrgizilgen.

«Taldaý barysynda birqatar sybaılas jemqorlyq táýekelderi anyqtalǵan. Taldaý obektilerinde bıznes protsester avtomattandyrylmaǵan. ıAǵnı, qarjylyq operatsııalar qolma-qol qaǵaz júzinde júrgizilip kelgen. Baǵdarlama ákimshileri tarapynan jyldyq qarjylyq josparlarǵa taldaý-baqylaý jumystary ýaqytyly júrgizilmeı, bıýdjet qarjysy negizsiz artyq josparlanǵan. Saldarynan bilim berý uıymdarynda «1S-Býhgalterııa» men «Qazynashylyq-klıent» júıelerindegi kemshilikterdi paıdalanyp, asa iri kólemde bıýdjet qarjysy jymqyrylǵan», - dedi departament basshysynyń birinshi orynbasary.