Qyzylordada «Mektepke jol» aktsııasy aıasynda 8,6 myń balaǵa kómek kórsetildi

QYZYLORDA. QazAqparat - Qyzylorda oblysynda «Mektepke jol» qaıyrymdylyq aktsııasy aıasynda qala men aýdandar boıynsha bıýdjet jáne bıýdjetten tys qarjy kózderi esebinen 8 605 balaǵa kómek kórsetildi, dep habarlaıdy QazAqparat tilshisi.

Onyń ishinde 5 283 balaǵa bıýdjet, 3 322 balaǵa demeýshilik esebinen kómek kórsetildi. Sondaı-aq, «QazGerMunaı» kompanııasy 320 balaǵa, «Syr meırimi» -100 balaǵa, «El Araı» qory 137 balaǵa, Qyzylorda qalalyq ákimdigi 145 balaǵa, oblystyq basqarmalar 23 otbasyǵa qol ushyn sozdy.

Aıta keteıik, «Atamekenim» qoǵamdyq qorynyń qoldaýymen kómekke muqtaj ata-analar óz ótinimderin qaldyra alatyn «Mektepke jol» platformasy qurylyp, jumys jasaýda. Óz kezeginde demeýshiler men metsenattar aqshalaı qarajatty onlaın aýdara otyryp osy portal arqyly kómek kórsetý boıynsha óz nıetterin júzege asyra alady.

Bul platforma turaqty túrde jumys jasaı otyryp, jańa tásilder arqyly kómek kórsetýdiń mádenıetin qalyptastyrýǵa, onyń ataýlyq pen ashyqtyqty qamtamasyz etýge septigin tıgizedi. Túsken qarajatty aqshalaı alý múmkin emes, tek zattaı beriledi.