Qyzylordada medıtsınalyq kolledjdiń 70 stýdenti «Pfizer» vaktsınasyn saldyrdy
Ótken aptada óńirge «Pfizer» vaktsınasynyń 23400 dozasy jetkizilgen. Ol ata-analardyń kelisimimen 12-18 jastaǵy jasóspirimderge, 16-37 apta aralyǵyndaǵy júkti áıelder men bosanǵanyna 42 kún bolǵan bala emizetin áıelderge salynady. Bul maqsatta ata-anasynyń ruqsaty alynǵan. Sondaı-aq, ekpe jasóspirimniń óz qalaýymen júrgizilýde.
Balasyna vaktsına saldyrýǵa kelisim bergen Janar Naqypova bul durys sheshim bolǵanyn aıtady.
«Medıtsınalyq kolledjde ulym «Emdeý isi» mamandyǵy boıynsha bilim alýda. Men balamnyń qaterli dertke qarsy vaktsına saldyrýyna kelisim berdim. Ol alǵashqy bolyp ekpe saldyrdy. Basynda qobaljyǵan edim. Ulymnyń ózi de qarsylyq tanytqan joq. Qazirgi tańda basty maqsatymyz - halyqtyń amandyǵy. Osyndaı durys sheshim jasaý arqyly qaterli indettiń taralýyn toqtata alamyz», – dedi Janar Naqypova.
«Densaýlyǵymda eshqandaı keri áser bolǵan joq. Bolashaqta medıtsına mamany bolamyz. Sondyqtan biz vaktsına túrli qaterli indettiń aldyn alatynyn bilemiz. Sol sebepti ekpe qabyldaýǵa ata-anamyzdyń ruqsatymen kelisim berdim», - deıdi Shahrızada Ánýarbekova.
Eske salsaq, Qyzylorda oblysynda «Pfizer» vaktsınasyn egý bastaldy.