Qyzylordada mal baǵýǵa shyqqan 12 jasar bala tabylmaı jatyr

QYZYLORDA. QazAqparat - Qyzylorda oblysynda mal baǵýǵa shyqqan 12 jastaǵy bala bir kúnnen beri tabylmaı jatyr, dep habarlaıdy QazAqparat tilshisi.

Oqıǵa Qazaly aýdanyna qarasty Káýkeı aýyldyq okrýgindegi Ajar eldi mekeninde 16 qarashada boldy.

Sol aýylda turatyn 2009 jylǵy bala Dáýletbaı Janarys Ǵalymjanuly saǵat 09.00 shamasynda eldi mekenniń kezekpen baǵylatyn qoıyn jaıýǵa shyqqan.

Aldyndaǵy 200 qoımen shyǵys betkeıdegi 10-15 shaqyrymda ornalasqan «Úshaǵash» degen mal jaıylymdyq jerge qaraı baǵyt alǵan.

Sodan beri úıine qaıta oralmaǵan.

Oqıǵa ornyna polıtsııa qyzmetkerleri shuǵyl jetip, izdestirý jumystaryna kiristi.

Sondaı-aq, oǵan aýyl turǵyndary, jasóspirimniń týǵan-týystary, jedel qutqarý qyzmeti, shekara qyzmetkerleri tartylǵan.

Bul maqsatta avtokólikter men arnaıy tehnıka jumyldyrylǵan.

«Jasóspirimniń erekshe belgileri: boıy 140-150 sm, dene bitimi aryqtaý, shashy qara. Ústinde qyzyl tústi kýrtka, sary tústi syrmaq shalbar, qara qalpaq, aıaǵynda qara qystyq aıaq kıim bar. Іzdeý jumystary Polıtsııa departamenti bastyǵynyń qatań baqylaýynda. Aýa raıynyń kúrt ózgerýi izdestirý jumystaryn qıyndatýda. Joǵalǵan jasóspirim týraly qandaı da bir aqparat anyqtalǵan jaǵdaıda Qyzylorda oblysy polıtsııa departamentine, Qazaly aýdandyq polıtsııa bólimine «102» arnasyna, 8 (72438)21-5-17, 8-702-884-68-88, 8-702-892-05-01 shuǵyl túrde habarlasýlaryńyzdy suraımyz. Qazirgi ýaqytta izdestirý jumystary jalǵasýda», - dep málim etti Qyzylorda oblystyq polıtsııa departamentinen.

Departament mamandary oblys turǵyndarynan balalardyń qaýipsizdigin qamtamasyz etý maqsatynda baqylaýdy kúsheıtýge nazar aýdarý qajettigin eske salady.

Sondyqtan mal baǵý jáne ózge ju­mystarǵa aralastyrmaýdy suraıdy.