Qyzylordada kúrish óndirýshilerge 70 mln teńge jýyq aıyppul salyndy

QYZYLORDA. QazAqparat – Qyzylorda oblysynda básekelestikke qarsy kelisilgen áreketter úshin kóterme kúrish satýshylaryna aıyppul salyndy, dep habarlaıdy QazAqparat Básekelestikti qorǵaý jáne damytý agenttigine silteme jasap.

Básekelestikti qorǵaý jáne damytý agenttiginiń Qyzylorda oblysy boıynsha departamenti kúrishtiń alty iri óndirýshisi men kóterme satýshysyna qatysty tergeýdi aıaqtady («Abzal ı K» TS, «Maǵjan ı K» JShS, «Jan-Araı» JShS, «Naı-Mır» JShS, «Abaı-Daýlet» JShS jáne «Baıdalıev K» JK).

Naqty aıtsaq, kásipkerler kúrish baǵasyn belgilep jáne ustap turǵandyǵy týraly básekelestikke qarsy kelisilgen is-qımyl faktileri anyqtaldy.

Tergeý qorytyndysy boıynsha kúrish óndirýshiler men kóterme saýdagerlerine qatysty ákimshilik quqyq buzýshylyq týraly is qozǵaldy.

Osy maýsymda sot atalǵan kúrish óndirýshilerdi jalpy somasy 67,9 mln teńge kóleminde ákimshilik jaýapkershilikke tartty.

Sot sheshimi zańdy kúshine endi.