Qyzylordada kóshbasshy áıelder bas qosty

QYZYLORDA. QazAqparat - El Táýelsizdiginiń 25 jyldyq mereıli merekesine oraı oblys ákimi janyndaǵy áıelder isteri jáne otbasylyq-demografııalyq saıasat jónindegi komıssııa men «Medıa-Press» qoǵamdyq qory uıymdastyrǵan saltanatty jıyn ótti.

 Bul týraly QazAqparat tilshisi habarlady.

 Jıynda oblys ákimi janyndaǵy áıelder isteri jáne otbasylyq-demografııalyq saıasat jónindegi komıssııa músheleri, oblystyq densaýlyq saqtaý basqarmasynyń basshysy, Aqmaral Álnazarova, oblystyq ádilet departamenti basshysynyń orynbasary Irına Bákisheva, oblystyq máslıhat depýtaty Raıhan Ysqaqova memleketimizde áıelderdiń kóshbasshylyǵy aıqyndalyp, qoǵam men memleket tarapynan názik jandylardyń iskerlik belsendilikteri joǵary  baǵalanyp kele jatqandyǵyn atap ótti. 

 Aıta ketken jón, el Táýelsizdiginiń 25 jyldyq mereıli merekesi aıasyndaǵy árbir shara men qolǵa alynǵan  bastamanyń qoǵam úshin mańyzy erekshe bolmaq. Solardyń biri - Syr óńirinde  jaqynda ǵana ashylǵan «Kóshbasshy áıelder» mektebi.
  
 Qoǵamda áıelderdiń belsendigin odan ári arttyrý, turmysty jaqsartyp, túrli salaǵa beıimdeý maqsatynda ashylǵan mektep az ýaqyttyń ishinde táp-táýir nátıjege qol jetkizdi. Búginde mekteptiń 40 túlegi tulǵalyq ósý, otbasylyq ómir, qarjylyq saýattylyq, tabysqa jetýdiń tıimdi joldary, kóshbasshylyq sekildi túrli baǵytta bilimderin jetildirip, baǵyt-baǵdar aldy.