Qyzylordada koronavırýs juqtyrýdyń eń joǵary kórsetkishi tirkeldi
Qazir óńirde koronavırýs ınfektsııasynyń epıdemıologııalyq jaǵdaıy turaqsyz. Bıylǵy jyldyń 13 qańtarynan bastap oblys «qyzyl» aımaqta.
«Qańtar aıynyń 19 kúninde koronavırýs ınfektsııasyn juqtyrýdyń barlyǵy 2 622 jaǵdaıy anyqtaldy. Bul - ótken jylǵy jeltoqsanda tirkelgen kórsetkishten 22 esege joǵary. Ótken táýlikte 399 adam koronavırýs juqtyrdy. Pandemııa bastalǵannan bergi óńirde mundaı kórsetkish tirkelmegen bolatyn. Olardyń arasynda 247-i Qyzylorda qalasynda tirkelse, aýdandar boıynsha Aralda - 16, Qazalyda - 18, Qarmaqshyda -13, Jalaǵashta - 16, Syrdarııada -11, Shıelide - 42, Jańaqorǵanda - 36 adam qaterli indettiń quryǵyna ilikti», - dep málim etti Qyzylorda oblysynyń sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.
Táýlikte anyqtalǵan barlyq jaǵdaıdyń 58-i 14 jasqa deıingi balalar men jasóspirimder arasynda anyqtaldy.
Dene qyzýynyń kóterilýi, álsizdik, tamaqtyń aýyrýy, jótel sııaqty klınıkalyq belgisimen 147, sımptomsyz 252 derek anyqtaldy.
Eske salsaq, Qyzylorda oblysynda «Pfizer» vaktsınasyn 19,2 myń adam saldyrdy.