Qyzylordada koronavırýs shyqqan vahtalyq qalashyq karantınge jabyldy
Budan buryn atalǵan mekemede jumys isteıtin 1 adamnan koronavırýs anyqtalǵan edi. Nátıjesinde ol naýqaspen baılanysta bolǵan 36 jumysshy oqshaýlanyp, olardan PTR analızi alyndy.
«Analız boıynsha 10 adamnan koronavırýs anyqtaldy. Qazirgi tańda aýrý oshaǵy bolǵan vahtalyq qalashyq karantınge jabyldy. Qarym-qatynasta bolǵandardyń barlyǵy medıtsınalyq baqylaýǵa alyndy. Aýrý oshaǵynda profılaktıkalyq-dezınfektsııalyq sharalar júrgizildi», - dep málim etti Qyzylorda oblysy sanıtarlyq-epıdemıologııalyq baqylaý departamentinen.
Búgingi kúni oblys boıynsha koronavırýstyq ınfektsııa juqtyrǵandar sany 4198 adamǵa jetti. Onyń 3 paıyzy syrttan tasymaldanǵan bolsa, 56 paıyzy skrınıngtik tekserý nátıjesinde anyqtalǵan. Al 41 paıyzy qarym-qatynas arqyly juqtyrǵan.