Qyzylordada Qorqyt Ata áýejaıy keńeıtilip, jańa termınal salynady

QYZYLORDA. QazAqparat - Qyzylordada Qorqyt Ata áýejaıynyń jańa termınaly jańǵyrtylady, dep habarlaıdy QazAqparat tilshisi.

Bul maqsatta Qyzylorda oblysynyń ákimdigi Bolat Ótemuratov qorymen yntymaqtastyq týraly memorandýmǵa qol qoıdy.

Kelisimniń maqsaty - zamanaýı halyqaralyq standarttarǵa sáıkes keletin jolaýshylar aǵymyn ótkizý qabiletin keńeıtetin jańa zamanaýı áýejaı termınalynyń qurylysy.

Jańǵyrtýdan keıin áýejaı saǵatyna 300 jolaýshyǵa qyzmet kórsete alady, bul jolaýshylar aǵymyn eki ese arttyrady.

Bul týraly ortalyq kommýnıkatsııa ortalyǵynda oblys ákimi Gúlshara Ábdiqalyqova málimdedi.

Qor jobany tolyǵymen qarjylandyrýdy kózdep otyr. Onyń bastalýy 2022 jylǵa josparlanǵan.

Jańa termınal 3,9 gektar aýmaqta ornalasady. Qurylys aıaqtalǵan soń termınal Qyzylorda oblysy ákimdiginiń basqarýyna beriledi.

Aımaq basshysynyń aıtýynsha, áýejaıdy keńeıtý - kópten beri talqylanyp kele jatqan ózekti másele.

«Jańa áýejaı qurylysynyń quny joǵary. Sondyqtan biz qoldanystaǵy ınfraqurylymdy keńeıtip, halyqaralyq standarttarǵa sáıkestendirip, jańa termınal salý - eń qolaıly sheshim bolady dep sanaımyz. Memorandým aıasyndaǵy Bolat Ótemuratov Qorynyń qarjylyq qoldaýy bul strategııalyq mańyzdy jobany tez ári ýaqtyly júzege asyrýǵa kómektesedi», - dedi aımaq basshysy.

Sonymen qatar, QR Indýstrııa jáne ınfraqurylymdyq damý mınıstrligimen áýejaıdy «Ashyq aspan» rejımine qosý boıynsha ýaǵdalastyqqa qol jetkizildi.

Bıylǵy jeltoqsan aıynan bastap «NordwindAirlines» Avıakompanııasy tarapynan «Sankt-Peterbýrg – Qyzylorda – Sankt-Peterbýrg» baǵyty boıynsha aptasyna 1 reıs ashady dep josparlanýda.

Eske salsaq, budan buryn Qyzylordada azyq-túlik baǵasyn turaqtandyrý maqsatynda kásipkerlerge nesıe berilgeni habarlandy.

Sondaı-aq, budan buryn Qyzylordada turǵyndardyń 86 paıyzy koronavırýsqa qarsy vaktsına saldyrǵany habarlandy.