Qyzylordada qorada turǵan 5 bas mal men myń býma shóp órtenip ketti
Oqıǵa búgin, 12 qazanda saǵat 4:30 shamasynda Jalaǵash aýdanyna qarasty M.Shámenov aýylynda boldy. Aýmaǵy 625 sharshy metrdi quraıtyn mal qora tolyǵymen órtengen.
«Órt sóndirý bólimi men oqıǵa ornynyń ara qashyqtyǵy 22 shaqyrymdy quraıdy. Órt sóndirýshiler oqıǵa ornyna 4. 58-de jetken. Mal qora ishinde 14 eshki, 4 sıyr, 3 jylqy bolǵan. Órt saldarynan 3 jylqy 1 baspaq,1 eshki órtenip ketti. Sondaı-aq, 500 býma shóp pen 500 býma jońyshqa qyzyl jalynǵa orandy. Órt 6:02-de oqshaýlanyp, 6:43-te tolyq sóndirildi», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Vedomstvo málimetinshe, qaza bolǵandar men zardap shekkender joq. Órttiń shyǵý sebebi anyqtalýda.
Eske salsaq, budan buryn Qyzylorda oblysynda bıyl 297 órt oqıǵasy tirkelgenin habarlaǵan bolatynbyz.