Qyzylordada kómir tapshylyǵynyń aldyn alý qarastyrylady

QYZYLORDA. QazAqpara - Bıyl Qyzylordada jergilikti basshylyq kómir tapshylyǵynyń aldyn alýǵa erterek kirisip ketti. Ótken qysta jergilikti turǵyndar bul jóninen birshama qıyndyq kórgen edi, dep habarlaıdy QazAqparat tilshisi.

Qys aılarynda oblysta kómir tapshylyǵy oryn aldy. Onyń quny birshama kóterildi. Alǵan kómirdiń ózi durys janbaı, jergilikti jurt tarapynan renish týyndaǵan edi. Osyǵan oraı oblys ákimi Qyrymbek Kósherbaev sol kezeńde atalmysh jaı-japsardy synǵa alyp, tıisti atqarýshy organdarǵa naqty tapsyrma mindettegen bolatyn.

Aldaǵy qysqa qajetti kómir qory - 264,9 myń tonna. Onyń ishinde 57,8 myń tonnasy áleýmettik-mádenı nysandarǵa qajet bolsa, qalǵan bóligi jergilikti turǵyndardyń muqtajdyqtaryna jumsalady.

«Qazirgi tańda áleýmettik nysandar men turǵyndarǵa jetkiziletin kómir qorynyń kestesi ázirlendi. Ústimizdegi jyldyń maýsym aıynan bastap oblysqa kómir jetkizý jumystary júrgizilip jatyr. Aldyn-ala kelisimi bar kómir jetkizýshiler ýaqytyly alyp keledi degen senimdemiz. Kómir tapshylyǵyn boldyrmaý maqsatynda qajetti is-sharalar qolǵa alynyp jatyr. Qazir onyń baǵasy 15 paıyza tómen», - deıdi oblystyq energetıka jáne turǵyn úı-kommýnaldyq sharýashylyq basqarmasynyń mamandary.

Oblysta turǵyn úı-kommýnaldyq sharýashylyq jáne áleýmettik sala nysandarynyń aldaǵy jylý maýsymyna daıyndyǵy ýaqytyly jáne sapaly ótkizý maqsatynda oblys ákiminiń ókimimen oblystyq shatbtyń quramay jasaqtaldy. Nátıjesinde is-sharalar jospary bekitildi.