Qyzylordada kólikke qysylyp qalǵan júrgizýshi qutqaryldy

QYZYLORDA. QazAqparat - Qyzylorda qalasynda qutqarýshylar turǵyn úıdiń monshasyna soǵylǵan júk kóliginde qysylyp qalǵan júrgizýshini arnaıy qurylǵymen alyp shyqty, dep habarlaıdy QazAqparat tilshisi.

Oqıǵa oblys ortalyǵynda ornalasqan «Saıahat» shaǵyn aýdanyndaǵy Aıdosov kóshesinde bolǵan. «Shacman» júk kóligi turǵyn úıdiń monshasyna soǵylyp, júrgizýshisi kólik ishinde qysylyp qalǵan. Onyń shyǵaryp alý úshin oqıǵa ornyna qutqarýshylar shaqyryldy.

«Oqıǵa ornyna oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen 1 tehnıka men 5 qyzmetker bardy. Mamandar qysylyp qalǵan azamatty arnaıy qurylǵynyń kómegimen aman alyp shyqty. Ol jedel járdem qyzmetine tabystaldy», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, buǵan deıin Qyzylorda oblysynda bes qabatty turǵyn úıden órt shyǵyp, 13 adam evakýatsııalanǵanyn habarlaǵan bolatynbyz.