Qyzylordada kóktaıǵaq: 23 jol-kólik oqıǵasy tirkeldi

QYZYLORDA. QazAqparat - Qyzylorda oblysynda ótken táýlikte túnge qaraı kóktaıǵaq saldarynan 23 jol-kólik oqıǵasy tirkeldi, dep habarlaıdy QazAqparat tilshisi.

Qyzylordada kóktaıǵaq saldarynan qala aýmaǵynda 28-nen 29-na qaraǵan túni 23 jol-kólik oqıǵasy tirkeldi. Jol apatynan jaraqat alǵandar joq.

Bul boıynsha kólik júrgizýshilerine QR Ákimshilik Quqyq buzýshylyq kodeksiniń 610-babynyń boıynsha ákimshilik hattama toltyryldy. Onda kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy jaǵdaıy kórsetilgen.

«Jol boıynda arnaıy 19 avtokólik jumyldyrylyp, qum-tuz sebý jumystary júrgizildi. Qala turǵyndarynan jolda abaı bolýyn jáne júrgizýshilerden kólik jyldamdyǵyn údetpeýin suraımyz», - dep málim etti Qyzylorda qalasynyń Polıtsııa basqarmasynan.

Eske salsaq, ótken táýlikte Qyzylorda oblysynda kóktaıǵaq saldarynan jol jabylǵanyn habarlaǵan edik.