Qyzylordada kıik atyp alǵan 2 adamǵa qylmystyq is qozǵaldy

QYZYLORDA. QazAqparat - Qyzylorda oblysynda kıik atyp alǵan 2 adamǵa qylmystyq is qozǵaldy, dep habarlaıdy QazAqparat tilshisi.

Qyzylorda oblysy Polıtsııa departamentiniń,​ tabıǵat qorǵaý prokýratýrasy ​jáne «Ohotzooprom» mekemesiniń qyzmetkerleri reıd júrgizdi. Nátıjesinde qala ortalyǵyndaǵy kóshelerdiń birinde 27 jastaǵy qala turǵynynyń basqarýyndaǵy jeńil avtokólik toqtatyldy.​

«Tekserý barysynda avtokóliktiń júk salǵyshynan aqbókenniń denesi anyqtalyp, aıǵaq zat retinde tárkilendi.​ Kúdikti 2 azamat ýaqytsha ustaý abaqtysyna qamaqqa alyndy. Olardyń ústinen QR Qylmystyq kodeksiniń 339-babymen sotqa deıingi tergep-tekserý júrgizilýde. Saraptamalar taǵaıyndaldy. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada jappaı ereýil kezinde lombardtan 125 altyn saqına urlaǵandar ustaldy.