Qyzylordada kene shaqqan 51 jastaǵy adam qaıtys boldy

QYZYLORDA. QazAqparat - Qyzylorda oblysynda Kongo-Qyrym qandy bezgeginen bir adam kóz jumdy, dep habarlaıdy QazAqparat tilshisi.

Shıeli aýdanynda turatyn 51 jastaǵy azamat dene qyzýy kóterilip, Shıeli aýdandyq kópbeıindi ortalyq aýrýhanasynyń juqpaly aýrýlar bólimine aýyr jaǵdaıda jatqyzylǵan.

«Naýqasta ish ótý, qusý, bulshyq etteri men basynyń aýyrýy, búkil denesine gemmorragııalyq bórtpe, ınektsııa oryndarynda gematoma, kógerýler baıqalǵan. Naýqasta aıqyn ıntoksıkatsııa, bulshyq etke salynǵan ınektsııa oryndarynda kógerý, gemorragııalyq bórtpe, jgýt sımptomy bolǵan. Osyǵan baılanysty naýqas dereý oqshaýlandy. Oǵan «Kongo-Qyrym qandy bezgegi, yqtımaldy jaǵdaı» dıagnozy qoıyldy. Naýqastyń sıyr soıǵany jáne denesinen 3 kene alynǵany anyqtaldy. Júrgizilgen reanımatsııalyq sharalarǵa qaramastan, naýqastyń jaǵdaıy kúrt nasharlap, qaıtys boldy», - dep málim etti Qyzylorda oblystyq Densaýlyq saqtaý basqarmasynan.

Vedomstvo málimetinshe, jyl basynan oblysta Kongo-Qyrym qandy bezgegine shaldyǵýy yqtımal 23 naýqas tirkelgen. Olardyń arasynda 8 jaǵdaı naqtylanyp, aýdandar boıynsha Syrdarııa, Qarmaqshy, Shıelide - 1, Jańaqorǵanda - 4, Qyzylorda qalasynda 1 jaǵdaı esepke alynǵan.

Jańaqorǵan men Shıelide 2 adam kóz jumdy.