Qyzylordada ken ornynda eki kúzetshiniń kóz jumýyna baılanysty qylmystyq is qozǵaldy
14:14, 13 Jeltoqsan 2022
ASTANA. QazAqparat - Qyzylorda oblysynda ken ornynda gazdan ýlanyp eki kúzetshiniń qaıtys bolýyna baılanysty qylmystyq is qozǵaldy, dep habarlaıdy QR ІІM baspasóz qyzmeti.
«12 jeltoqsanda Qyzylorda oblysynda kúzet kásipornynyń eki qyzmetkeriniń qaza bolý deregi boıynsha QR QK 156-babymen «Eńbekti qorǵaý qaǵıdalaryn buzý» qylmystyq is tirkelip, sotqa deıingi tergep – tekserý áreketteri bastaldy. Tıisti saraptamalar taǵaıyndaldy. Qazirgi ýaqytta oqıǵanyń mán-jaılaryn anyqtaýǵa baǵyttalǵan keshendi tekserý jumystary júrgizilýde» delingen habarlamada.
Aldyn ala málimetterge sáıkes marqumdar ýlanyp, tunshyǵyp qaıtys bolǵan.
Buǵan deıin Qyzylorda oblysynda ken ornynda metall vagonnan jasalǵan turǵyn jaıda ýly gazdan ýlanǵan eki adam kóz jumǵanyn jazǵan edik.