Qyzylordada Kazpochta mekemesine tıesili júk kóliginiń júrgizýshisi ustaldy
21:30, 01 Sáýir 2023
ASTANA. QazAqparat - 31 naýryz kúni respýblıkalyq mańyzy bar Samara – Shymkent tasjolynyń 1475 shaqyrymynda Qazaly aýdanynyń tusynda patrýldik rota beketiniń qyzmetkerleri jol erejesin buzǵan KamAZ júk kóligin toqtatqan.
Polisia.kz saıtynyń habarlaýynsha, ishimdik iship, kólik aıdaǵan júrgizýshini polıtseıler saraptamadan ótkizý úshin Qazaly aýdandyq aýrýhananyń narkologııalyq bólimine aparyp, onyń orta dárejeli mas kúıde bolǵany anyqtaldy. Sonymen qatar, tekserý barysynda júk kóliginiń Kazpochta mekemesine tıesili ekeni belgili boldy.
Almaty qalasynyń turǵynyna qatysty QR ÁQBtK-niń 608-babynyń 1-bóligimen ákimshilik hattama toltyrylyp, júk kóligi aıyp turaǵyna qoıyldy.
Júrgizýshi ákimshilik qamaýǵa alyndy.