Qyzylordada qazaq ádebıetindegi jazbasha aıtys talqylandy

QYZYLORDA. QazAqparat - Qyzylordada «Qazaq ádebıetindegi jazbasha aıtysý dástúri» taqyrybynda ǵylymı-tanymdyq konferentsııa ótkizildi, dep habarlaıdy QazAqparat tilshisi.

Atalmysh shara QR Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamasy aıasynda uıymdastyryldy. Ony ótkizýge Qorqyt Ata atyndaǵy Qyzylorda memlekettik ýnıversıteti qazaq tili men ádebıeti jáne jýrnalıstıka kafedrasy uıytqy boldy.

Atalmysh konferentsııaǵa ádebıetshi, tarıhshy, tilshi-ǵalymdar jáne stýdentter qatysty. Konferentsııa taqyrybyna sáıkes ǵalymdar baıandamalar jasady.

Joǵary oqý janyndaǵy qorqyttaný jáne ólke tarıhy ǵylymı zertteý ınstıtýtynyń dırektory, fıloloııa ǵylymdarynyń doktory, professor Baǵdat Káribozuly Qyzylorda oblysy basshylyǵynyń qoldaýymen shyǵarylǵan «Syrdarııa» kitaphanasyna engen «Syr súleıleriniń jazbasha aıtystary» taqyrybynda áńgime órbitti.

Al fılologııa ǵylymdarynyń kandıdaty. U.Janbershıeva «Syr boıyndaǵy aqyndyq mektep jáne ádebı dástúr», fılologııa ǵylymdarynyń kandıdaty Aman Abasılov «Jazbasha aıtystyń til ereksheligi» taqyrybynda taǵylymdy oı qozǵady. Al qazaq tili men ádebıeti jáne jýrnalıstıka kafedrasynyń magıstranty N.Ábdiqojaevanyń «Turmaǵambet Іztileýulynyń jazbasha aıtystaǵy aralyq sózderi» taqyryptaryndaǵy baıandamasy qyzylordalyq ǵalymdar tarapynan joǵary baǵalandy.