Qyzylordada qaıyǵy aýdarylyp, kól ortasynda qalyp qoıǵan reseılikter qutqaryldy

QYZYLORDA. QazAqparat - Qyzylorda oblysynda qaıyq aýdarylyp, kól ortasynda qalyp qoıylǵan reseılik erli-zaıyptylar qutqaryldy, dep habarlaıdy QazAqparat tilshisi.

2 maýsym saǵat 15.15-te oblystyq tótenshi jaǵdaılar departamenti jedel qutqarý jasaǵynyń mamandary Aral aýdany aýmaǵynda ornalasqan Aqqumshyq kólinde jaǵalaýǵa jete almaǵan adamdardy qutqardy.

Kól mańynda jedel qutqarý jasaǵynyń mamandary reıdte júrgen edi. Sol ýaqytta atalǵan jaǵdaıdy baıqap qalǵan.

Qutqarylǵan azamattar - Reseı astanasy Máskeý qalasynyń turǵyndary.

«1975 jylǵy er adam men 1986 jylǵy áıeldiń aıtýynsha, sýǵa shomylý kezinde olar aǵash qaıyqtan aýdarylyp túsken. Saldarynan jaǵalaýǵa ózdiginen jete almaı qalǵan. Olardyń jaǵdaıy birqalypty. Medıtsınalyq kómekke muqtaj emes», - dep málim etti Qyzylorda oblystyq tótenshe jaǵdaılar departamentinen.

Eske salsaq, budan buryn 14 jasar jasóspirim Syrdarııa ózenine batyp ketken edi.