Qyzylordada qatty jelden saýda úıiniń shatyry qulap, 2 jeńil avtokólik zaqymdaldy
Oqıǵa búgin, 11 qyrkúıekte saǵat 11.34 shamasynda bolǵan. Bul jóninde oblystyq tótenshe jaǵdaılar departamentine habarlama kelip tústi.
«Búgin Qyzylorda qalasynda jeldiń ekpini sekýndyna 22 metrdi kórsetip otyr. Saldarynan oblys ortalyǵyndaǵy Qazybek bı kóshesi boıyndaǵy «Gúljan» saýda úıiniń shatyry qulap, 2 jeńil avtokólik zaqymdaldy. Ǵımarattyń jalpy aýdany 400 sharshy metrdi quraıdy. Sol aýmaqtyń 180 sharshy metr bolatyn shatyry qulady. Qaza bolǵandar men zardap shekkender joq. Oqıǵa ornyna TJD-nen 11 qyzmetker jáne 2 birlik tehnıkasy jumyldyryldy», - dep málim etti Qyzylorda oblystyq tótenshe jaǵdaılar departamentinen.
Eske salsaq, budan buryn Qyzylorda oblysynda tabıǵı gazdan ýlanǵan bolýy múmkin degen joramalmen jer úıde eki bala qaza tapty.