Qyzylordada qatty jelden mektep shatyry ushyp ketti

QYZYLORDA. QazAqparat - Qyzylorda oblysy Jalaǵash kentinde qatty jeldiń áserinen №201 mektep-lıtseıdiń shatyry ushyp ketti, dep habarlaıdy QazAqparat tilshisi.

Oqıǵa 27 qarashada kúni saǵat 21:00 shamasynda aýdan ortalyǵy Jalaǵash kentindegi M. Shámenov kóshesinde ornalasqan Ál-Farabı atyndaǵy №201 mektep-lıtseıde boldy. Qatty jeldiń áserinen mekteptiń shatyry qulaǵan.

«Qazirgi tańda aýdandyq tótenshe jaǵdaılar bóliminiń qyzmetkerleri oqıǵa ornynda jumys istep jatyr. Bul baǵytta shuǵyl sharalar qabyldanýda. Adam shyǵyny joq. Nysannyń barlyq aýmaǵyna kezekshilik qoıylyp, baqylaýǵa alyndy. Sondaı-aq, aýdan ákimdigi tarapynan barlyq áleýmettik nysanǵa kezekshilik qoıylǵan», - dep málim etti aýdan ákimdiginen.

Vedomstvo málimetinshe, 28-30 qarasha aralyǵynda mekteptegi sabaq toqtatylǵan.

Eske salsaq, buǵan deıin Almaty - Óskemen baǵytyndaǵy keıbir jol bólikteri jabyldy.