Qyzylordada kásiptik bilim men bıznes áriptestigine arnalǵan forým ótti

QYZYLORDA. QazAqparat - Tehnıkalyq jáne kásiptik bilim beretin oqý oryndarynyń arasynda  dástúrge aınalǵan «Kásiptik bilim jáne bıznes áriptester  suhbaty» atty  oblystyq  eńbek forýmy  2012 jyldan bastap aımaǵymyzda  turaqty ótkizilip  keledi.

 Atalǵan eńbek forýmy búgin  «Abylaı han» kolledjiniń bazasynda ótkizildi, dep habarlaıdy QazAqparat tilshisi.

Eńbek  forýmy óńirdegi  júzege  asyrylyp  jatqan  ındýstrııalyq - ınnovatsııalyq  jobalarǵa, sonymen  qatar  shaǵyn jáne orta bıznes  ókilderine  qajetti  kadrlar daıarlaýdaǵy  ózekti máseleler  talqylanatyn, aldaǵy  jumystardyń  baǵyt- baǵdary  aıqyndalatyn,sondaı-aq oı bólisip, pikir alysatyn alańǵa aınalyp keledi.

 Forým  jumysyna  menshik nysanyna qaramastan Qyzylorda obysynyń tehnıkalyq jáne kásiptik  bilim berý júıesine qarasty barlyq oqý oryndary qatysty.

 Forým aıasynda 3 sektsııa jumys jasady. Olar: «Qazaqstan Respýblıkasynyń Prezıdenti N.Á.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» joldaýy-Qazaqstandyq bilim berýdi jańǵyrtýdyń strategııalyq faktory» taqyrybynda dırektorlar keńesiniń keńeıtilgen otyrysy. «Tehnıkalyq  jáne kásiptik bilimniń mazmunyń jańartý joldary» taqyryby talqyǵa tústi.

 Sondaı-aq, Memleket basshysynyń «Bolashaqqa baǵdar: rýhanı jańǵyrý» atty maqalasy aıasynda tárbıe jumysy arqyly tulǵanyń jalpyulttyq qundylyqtaryn qalyptastyrý máseleleri qozǵaldy.    

  Munan ózge Qazaqstan Respýblıkasynda bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy aıasynda tehnıkalyq jáne kásiptik  bilim berý uıymdarynda qoǵamdyq paıdaly qyzmetke (volonterlik) jastar isi jónindegi komıtetterin damytý joldary taqyrybynda sektsııalar jumys jasady.

 Shara sońynda jeńimpazdar aıqyndalyp, dıplomdarymen jáne baǵaly syılyqtarymen marapattaldy.

Atalǵan forým jumysyna jalpy alǵanda tehnıkalyq jáne kásiptik  bilim beretin oqý oryndarynyń 225 ókilderi qatysty.

Forýmnyń plenarlyq otyrysyna jergilikti atqarýshy organdar, «Atameken» UKP ókilderi qatysty.

Plenarlyq otyrys bilim alýshylardy óndiristik mekemelerde mashyqtandyrýdan ótkizý jaıynda kolledjder men áleýmettik seriktestikter arasynda kelisimsharttarǵa kol koıý rásimimen jáne tehnıkalyq jáne kásiptik bilim berý salasynyń úzdikterin, baıqaý jeńimpazdaryn oblystyq bilim basqarmasynyń arnaıy dıplomdarymen jáne baǵaly syılyqtarymen marapattaýmen óz jumysyn aıaqtady.