Qyzylordada kásipkerlerden zańsyz alynǵan salyq qaıtaryldy

QYZYLORDA.QazAqparat - Qyzylorda oblysynyń Jańaqorǵan aýdandyq prokýratýrasynyń yqpalymen kásipkerlerden zańsyz alynǵan 2,5 mln. teńge salyqtary qaıtaryldy, dep habarlady QazAqparat tilshisi.

Naqtylasaq, aýdan boıynsha «Salyq jáne bıýdjetke tólenetin basqa da mindetti tólemder týraly (Salyq kodeksi)» Kodekspen belgilengen biryńǵaı tirkelgen salyq mólsherlemelerin retteıtin quqyqtyq akti (Jańaqorǵan aýdandyq máslıhatynyń 24.12.2008 jylǵy №101 sheshimi) 2010 jyly kúshin joıǵan.

Alaıda sol ýaqyttan beri osy sheshimniń negizinde atalǵan qyzmet túrin kórsetetin kásipkerlerden salyqty aıyna eń tómengi mólshermen (3 aılyq eseptik kórsetkish mólsherinde) alýdyń ornyna 5 aılyq eseptik kórsetkish mólsherinde salyq alynǵan.

Kúshi joıylǵan quqyqtyq aktini basshylyqqa alý arqyly 5 kásipkerden zańsyz alynǵan salyq somalaryn qaıtarý týraly qadaǵalaý aktisinen keıin kásipkerlerdiń bank shottaryna 2 539 816 teńge keri qaıtaryldy.

Buǵan qosa, aǵymdaǵy jyly 1 kásipkerge jerge menshik quqyǵy tabystalyp, 2 kásipkerge 300 000 teńgeden astam arnaıy shottaǵy qarjylary qaıtaryldy.