Qyzylordada qart jaýyngerdiń múrdesi 78 jyldan keıin týǵan jerge jetkizildi

QYZYLORDA. QazAqparat - Qyzylorda oblysy Aral aýdanynda Uly Otan soǵysynyń jaýyngeri Embergen Asaıynovtyń súıegin qaıta jerleý rásimi ótti, dep habarlaıdy QazAqparat tilshisi.

Embergen Asaıynov 1942 jyly maıdanǵa attanyp, 1943 jyly surapyl shaıqastardyń birinde qaza tapqan. Sarbazdyń súıegi Reseıdiń Federatsııasynyń Omby qalasynan Pavlodarǵa, odan keıin Aral stantsııasyna temirjol kóligimen jetkizildi. Qart jaýyngerdiń súıegi barlyq áskerı rásimdi saqtaı otyryp, jer qoınyna tapsyryldy.

Reseıdegi «Opora» izdestirý ortalyǵy músheleriniń qazaqstandyq jaýynger Embergen Asaıynovtyń deregin anyqtaǵan bolatyn. Ol Reseıdiń Lenıngrad oblysy, Kırov aýdany mańaıynda qaza tapqan. Maıdanger 327-shi atqyshtar dıvızııasynda qyzmet etken.

«Ákem atamyzdyń súıegin týǵan jerge alyp kelip jerleýdi armandap ómirden ozdy. Sol mindet maǵan buıyryp otyr. Osylaısha ákemniń armany oryndalǵanyna qýanyshtymyn», - dedi qart jaýyngerdiń nemeresi Serik Embergen.