Qyzylordada qart maıdangerlerge qamqorlyq jasaýǵa basa nazar aýdarylyp otyr
dep habarlaıdy QazAqparat tilshisi
Respýblıkalyq bıýdjetten UOS ardagerlerine 65 myń teńge, jekelegen kategorııalar boıynsha 25 myń teńge jáne tyl ardagerlerine 10 myń teńgeden beriletini naqtylandy. Sonymen qatar Astana qalasynda ótetin merekelik sherýge bizdiń óńirden 10 ardager baratyn bolsa, Máskeýde uıymdastyrylatyn áskerı sherýge 2 kisige joldama berilmekshi. Sondaı-aq ardagerlerdiń TMD elderi men Qazaqstannyń óz ishinde temirjol men áýe kóligi arqyly tegin júrýine múmkindik jasalyp otyr. Al oblys ishinde qart jaýyngerlerge 4 ret, qalaishilik qoǵamdyq kólikterde 30 retke deıin tegin júrýi uıymdastyrylýda.
Oblys kóleminde Uly Jeńistiń 65 jyldyq merekesine arnalǵan mádenı is-sharalar bastalyp ta ketti. Oblystyq qorǵanys isteri departamenti UOS ardagerleri men keńes áskerleriniń Aýǵan jerinen shyǵarylǵanyna 21 jyl tolýyna arnap «Ardagerler - el tiregi» taqyrybynda kezdesýler ótkizdi. Sonymen qatar departament naýryz merekesine oraı maıdangerlerge aq dastarqan jaıyp, qurmet kórsetpekshi. «Departamenttiń Jeńis merekesine arnalǵan kóptegen mádenı is-sharalar jospary bekitildi, sol arqyly óńirimizdegi barlyq qart jaýyngerler qamtylady», deıdi departament dırektorynyń orynbasary, maıor Erlan Muratbaı. Sondaı-aq 9 mamyr - Jeńis kúnine arnalǵan áskerı sherýge daıyndyq jumystary qolǵa alynǵanyn da jetkizdi.