Qyzylordada karantın talaptaryna baılanysty jańa qaýly bekitildi
Jańa qaýlyda oblysta 2021-2022 oqý jylynda bilim berý uıymdarynda koronavırýstyq ınfektsııanyń aldyn alý jónindegi sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy júrgizý tártibi qarastyrylǵan.
Oblystaǵy barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq formatta oqýǵa ruqsat etildi. Osyǵan oraı erekshe talaptar qoıylady.
«Atap aıtqanda, pedagogtar tolyqtaı vaktsına alýy tıis. Sondaı-aq, uıymǵa kirý kezinde «Ashyq» qosymshasyn engizý, 18 jáne odan joǵary jastaǵy bilim alatyn kelýshilerdi QR-kod (check-in) boıynsha tirkeý, maska rejımin saqtaý talaby eskerilgen. Oǵan qosa sanıtaızerlerdiń, teri antıseptıkteriniń, dezınfektsııalaý jáne jýý quraldarynyń jetkilikti qamtamasyz etilýi, pedagogtardyń, personaldyń jáne bilim alýshylardyń kúndelikti «kirý» súzgisi arqyly ótkizilýi jáne olardyń ishinde dene qyzýy joǵarylar anyqtalǵan jaǵdaıda shekteý qoıý talaby qarastyrylǵan. Al buqaralyq is-sharalardy ótkizýge tyıym salynady. Mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge bolmaıdy», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Óńirde koronavırýsqa qarsy vaktsınatsııa alǵan stýdentter jataqhanaǵa ornalastyrylady. Al oqý orny boıynsha aýmaqtyq medıtsınalyq uıymdardyń egý pýnktterinde COVID-19-ǵa qarsy vaktsınatsııalaýdyń tolyq kýrsyn (ekinshi komponentpen) aıaqtamaǵan stýdentterge ekpeni tolyq alýy talap etiledi.