Qyzylordada kanalǵa batyp ketken balanyń denesi eki kúnnen keıin tabyldy
Oqıǵa oblys ortalyǵyna qarasty Qaraýyltóbe aýyldyq okrýginde 25 mamyrda keshki saǵat 20.30 shamasynda bolǵan. Sol ýaqytta týysymen egistikti sýarý kanaly ústindegi júrginshiler kópirinde ol a baısyzda qulap , kanalǵa sýǵa batyp ketken.
Quzyrly sala mamandary onyń denesin eki kúnnen astam ýaqyt boıy izdestirdi. Nátıjesinde búgin saǵat 16.39-da denesi tabyldy. Іzdestirý sharalaryna barlyǵy 111 adam men 9 tehnıka qatysty. Onyń ishinde 64 adam (5 tehnıka) oblystyq tótenshe jaǵdaılar departamenti men oǵan qarasty mekemelerde qyzmet atqarady.
«Negizi atalǵan kópir adamdardyń júrýine arnalmaǵan. Ol sý şarýashylyǵy mekemesiniń sý ólsheýi úshin jasalǵan. Bala sol jerge sý alý maqsatynda barǵan. Qolyndaǵy ydysy kanalǵa túsip, sony alýǵa yńǵaılanǵan sátte qulap ketken. Oblysta jyl basynan beri 14 adam sýǵa ketip, qaıtys boldy. Onyń 9-y kámeletke tolmaǵan», - dedi Qyzylorda oblysy Tótenshe jaǵdaılar departamenti bastyǵynyń orynbasary Baýyrjan Іzbasarov.
Oblys aýmaǵynda 19 iri kanal, 220 shaǵyn kanal, 207 kól ornalasqan. Jalpy 64 jabdyqtalmaǵan ýchaske qaýipti sanalady.
«Búginde 65 eskertý taqtaıshasy ornatyldy. Bul jumystar jalǵasady. Qaıǵyly jaǵdaıdyń negizgi sebebi - qaýipsizdik sharasyn saqtamaǵannan. Sonymen qatar, ata-analardyń balalardy qaraýsyz qaldyrýy bolyp otyr. Bizdiń tarapymyzdan azamattardyń sýdaǵy qaýipsizdigin qamtamasyz etý úshin jumystar júrgizilýde», - dedi oblystyq jumyldyrý daıyndyǵy basqarmasynyń basshysy Medet Ýsaın.