Qyzylordada kanal jaǵasyna egilgen eki esirtki alqaby anyqtaldy

QYZYLORDA. QazAqparat - Qyzylordalyq polıtseıler kanal jaǵasyna egilgen eki esirtki alqabyn anyqtady, dep habarlaıdy QazAqparat Polisia.kz-ke silteme jasap.

31 tamyz kúni «Qarasora – 2023» jedel-profılaktıkalyq is-sharasy barysynda Qyzylorda oblysynyń PD esirtki qylmysyna qarsy is-qımyl basqarmasynyń qyzmetkerleri Syrdarııa aýdany, A.Toqmaǵanbetov aýylyna qarasty Eltaı kanalynyń jaǵasynda eki esirtki alqabyn anyqtady.

Birinshi alqaptan 33 jastaǵy Túrkistan qalasynyń turǵyny 106 túp sora ósimdigine uqsas ósimdikti egip baptaǵany úshin ustaldy.

Ekinshi alqapta 35 túp sora ósimdigine uqsas ósimdik ekken 53 jastaǵy sol aýdannyń turǵyny quryqtaldy.

Budan bólek bul alqapta 16 kalıbrli ańshy myltyǵy anyqtaldy.