Qyzylordada qala ortasynan iri esirtki alqaby anyqtaldy
Oblystyq Polıtsııa departamenti esirtki qylmysyna qarsy is-qımyl basqarmasynyń qyzmetkerleri oblys kóleminde «Qarasora-2021» jedel-profılaktıkalyq is-sharasyn ótkizýde.
Polıtseıler jergilikti turǵynnyń úıine tekserý júrgizgen bolatyn. Nátıjesinde aýlasynan 189 túp esirtki ósimdigin tárkilep, garajynan gazet qıyndysyna oralǵan jasyl tústi ósimdikti tapty.
«Júrgizilgen sapartama nátıjesinde aýlasynan alynǵan ósimdik sora ekeni naqtylandy. Al garajdan alynǵan ósimdik keptirilgen marıhýana bolyp shyqty. Atalǵan derek boıynsha QR Qylmystyq kodeksiniń 300-babynyń 2-bóligimen sotqa deıingi tergep-tekserý amaldary júrgizilýde. Onda quramynda esirtki zattary bar, ósirýge tyıym salynǵan ósimdikterdi zańsyz egip-ósirý jaǵdaıy kórsetilgen. Kúdikti ýaqytsha ustaý ızolıatoryna qamaldy», - dep málim etti Qyzylorda oblystyq Polıtsııa departamentinen.